മനസ്സിന്റെ കിളിവാതില് മെല്ലെത്തുറക്കാം
മഹത്ത്വങ്ങളണിചേരും ദീപം കൊളുത്താം
മലര്ഗന്ധമണിദീപശ്ശോഭയ്ക്കു മുന്നില്
മന:ശക്തിയുയരാനായ് കൈകൂപ്പിനില്ക്കാം.
മയില്പ്പീലിയഴകേറും നേത്രം നിറയ്ക്കാം
മലര്പോലെ ഗുണമേറും മാണിക്യദൃശ്യം
മൊഴിച്ചന്തമിയലുന്നിരുകാതും രസിക്കാന്
മണിക്കോകിലത്തിൻ രാഗം ശ്രവിക്കാം
മന:സാക്ഷി നലമാക്കി സ്നേഹം വിതയ്ക്കാം
മതിപ്പുള്ള വിളയായിത്തങ്ങാം ജഗത്തില്
മരിച്ചാലുമുടയോര്തന്നോര്മ്മയ്ക്കകത്തായ്
മറഞ്ഞോരു തിരിനാളമായിച്ചിരിക്കാം.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ