പ്രളയഭീതി

പ്രളയഭീതി

മഴയെന്നും ഭീതിയുണർത്തിവരും

ദുരിതത്തിൻ വിത്തുകളായിടുമോ

ഭയമോടെ വെന്തുരുകുന്നു ദിനം

പ്രളയത്തിന്നോർമ്മകളാലെ ജനം

ഗഗനത്തിൽ സൂര്യനുദിച്ചു പകൽ-

ച്ചിരിതൂകും വാനൊളി മായ്ച്ചിതിലേ

മുടിമാടിച്ചീകിയൊതുക്കിവരും

മഴമേഘത്തോരണമാലകളേ...,

ചെറുമോഹച്ചിന്തുകളോടെ ദിനം

കഥചൊല്ലിപ്പെയ്യുക നീ മിതമായ്.

ഭയമേറ്റിപ്പാരിതിലേവരിലും

ദുരിതങ്ങൾ വാരി വിതയ്ക്കരുതേ.

കൊലുസിൻ സ്നേഹക്കിന്നരമായ്

മഴതൻമോഹക്കുളിർ ചൊരിയേ,

ചൊടിയിൽ മന്ദസ്മിതമായണയും

പവനാ, നീയും ശ്രുതി മീട്ടിവരാവു.

ഹൃദിയിൽപ്പമ്മിയടുത്തൊരുവൾ

അനുരാഗക്കൺകളുമായരികിൽ

തുണയായിച്ചാരെയണഞ്ഞതുപോൽ

ചിറകെല്ലാം കോതി, മിനുക്കിവരൂ.

മണിമേഘത്തോരണമാം മഴയേ

ശ്രുതി മീട്ടിപ്പെയ്തിടു നീ ധരയിൽ

മൃദുരാഗം പാടി നനച്ചിടുവാൻ

കുളിരേകിപ്പെയ്‌തിടു നീയിവിടേ..

*************.